Сайт создан по благословению ныне почившего Архиепископа Максима | |||||
Молитвы | |||||
Храмы города |
|
Молитвы | |||
Молитва за белорусский народ | |||||
Владыко небеси и земли, Предвечный Боже! Ты весь мир
сотворил премудростию Твоею и Духом Святым всех просвещаеши, оживляеши и
укрепляеши. Ты людской род тако возлюбил, что и Сына Своего Единороднаго на
землю послал, дабы все, кто уверовал в Него, стали чадами Твоими и наследниками
Небеснаго Твоего Царствия. Смиренно молим Тебе, Владыко, заступи землю нашу
Белорусскую и народ ея, остави нам прегрешения наша вольная и невольная,
ниспосли нам дар смирения, рассуждения и страха Твоего и избави от бед и
искушений. Низпосли, Господи, мир Твой на предержащие власти страны нашея и на
всех, живущих в ней. Не предаждь нас служити суете и неправде, но да призрим на
вся заповеди Твоя и потщимся ко исполнению их. Даруй благодать и ревность о
имени Твоем и о правде Твоей и вся ко временному житию потребная,
предстательством и покровом Пречистыя и Преблагословенныя Владычицы нашея
Богородицы и Приснодевы Марии, молитвами в земле Белорусстей просиявших,
святителей: Мины, Дионисия и Симеона Полоцких; Кирилла и Лаврентия Туровских;
Георгия Могилевскаго; святых благоверных князей Ростислава Киевскаго и Бориса
Туровскаго; святыя благоверныя княгини Евпраксии Псковския; преподобныя Харитины,
княжны Литовския; священномученика Макария, митрополита Киевскаго,
священномучеников архиепископов: Павлина, Гавриила, Иоанна и Митрофана; святых
преподобномучеников: Афанасия Брестскаго, Макария Пинскаго; Серафима Жировицкаго;
священномученика архидиакона Никифора; преподобных: Мартина Туровскаго, Елисея
Лавришевскаго, Геннадия Могилевскаго, Феодора Острожскаго; преподобныя и
богоносныя матери нашея Евфросинии, игумении Полоцкия; преподобныя Манефы
Гомельския; святых мучеников Антония, Иоанна и Евстафия Виленских; мученика
младенца Гавриила Белостокскаго; святаго праведнаго Иоанна Кормянскаго; святых и
праведных Софии Слуцкия и Иулиании Ольшанския; святыя блаженныя Валентины
Минския и святых новомучеников и исповедников земли Белорусския, и всех святых
Твоих, с ними же вкупе Тебе славу, благодарение и поклонение возсылаем
Безначальному Отцу, со Единородным Твоим Сыном, и Всесвятым, и Благим, и
Животворящим Твоим Духом, ныне и присно, и во веки веков. Аминь. | |||||
| |||||
|