|
|
28
августа - Успение Пресвятой Богородицы
Тропарь, гл.1.
В рождестве девство сохранила еси,
во успении мира не оставила еси, Богородице,
преставилася еси к животу, Мати сущи Живота,
и молитвами Твоими избавляеши от смерти
души наша.
Кондак, гл.2.
В молитвах неусыпающую Богородицу,
и в предстательствах непреложное упование,
гроб и умерщвление не удержаста:
якоже бо Живота Матерь, к животу престави,
во утробу Вселивыйся приснодевственную.
Величание.
Величаем Тя,
пренепорочная Мати Христа Бога нашего,
и всеславное славим успение Твое.
2
августа - День святого пророка Илии. Престольный праздник
Молитва
О великий и преславный
пророче Божий Илие, ревности ради твоея по славе Господа Бога
Вседержителя не терпевый зрети идолослужения и нечестия сынов
Израилевых, обличавый законопреступного царя Ахава, и в наказание
тех трилетний глад на землю Израилеву молитвою твоею от Господа
испросивый, да, отвергше мерзкия идолы и отступльше от неправд и
беззаконий, обратится ко единому истинному Богу и исполнению святых
Его заповедей, вдовицу Сарептскую в гладе пречудно препитавый и сына
ея умерша молитвою твоею воскресивый, по прошествии же
пронареченнаго времене глада, собранный на гору Кармильскую народ
Израильский в богоотступстве и нечестии укоривый, таже огнь молитвою
на жертву твою с небесе испросивый, и чудом сам Израиля ко Господу
обративый, студныя же пророки Вааловы посрамивый и умертвивый, по
сих же молитвою паки небо разрешивши и обильный дождь на землю
испросивый, и люди Израилевы возвеселивый! К тебе, предивный
угодниче Божий, усердно прибегаем, грешнии и смирении, томими
бездождием и зноем; исповедуем, яко недостойни есмы милости и
благодеяний Божиих, достойни же паче лютых прещений гнева Его,
скорби же и нужды, и всяких зол и болезней.
Не бо ходихом в страсе Божиим и в путах заповедей Его, но в похотех
развращенных сердец наших и всякий вид греха безчисленно сотворихом;
беззакония наша превзыдоша главу нашу, и несмы достойни явитися пред
лице Божие и зрети на небо.
Исповедуем, яко и мы,
якоже древний Израиль, отступихом от Господа Бога нашего, аще не
верою, то беззаконьми нашими, и аще не поклоняемся Ваалу и другим
мерзким идолом, то раболепствуем страстем и похотем нашим, служаще
идолу чревоугодия и сластолюбия, идолу корыстолюбия и честолюбия,
идолу гордости и тщеславия, и вслед ходим богопротивным иноплеменным
обычаем и погибельному духу времене.
Исповедуем, яко сего ради
заключися небо и сотворися аки медяно, яко заключися сердце наше от
милосердия и истинныя любве ко ближнему; сего ради отверде земля и
соделася безплодна, яко не приносим Господу нашему плодов добрых
дел; сего ради несть дождя и росы, яко не имамы слез умиления и
животворныя росы Богомыслия; сего ради увяде всяк злак и трава
сельная, яко изсеше в нас всякое благое чувство; сего ради омрачися
воздух, яко ум наш омрачися студными помышленьми и сердце наше
осквернися беззаконными похотеньми.
Исповедуем, яко и тебе,
пророче Божий, просити мы недостойны есмы.
Ты бо, подобострастен быв
нам человек, Ангелом в житии твоем уподобился еси и, аки безплотный,
на небо восхищен еси; мы же студными помыслы и деяньми нашими
безсловесным скотом уподобихомся, и душу нашу яко плоть сотворихом.
Ты постом и бдением
удивил еси Ангелов и человеков, мы же, предающеся невоздержанию и
сластолюбию, скотом немысленным уподобляемся.
Ты презельною ревностию о
славе Божией выну горел еси, мы же небрежем о славе нашего Творца и
Господа, и стыдимся исповедовати достопокланяемое имя Его.
Ты нечестие и злыя обычаи
искоренял еси, мы же рабствуем духу века сего, поставляюще
богопротивныя обычаи мира паче заповедей Божиих и уставов святыя
Церкве. И кий грех и неправду не сотворихом мы окаянии? Истощихом
беззаконьми нашими долготерпение Божие. Темже правосудный Господь
прогневася на нас, и во гневе Своем наказа нас.
Обаче ведуще велие
дерзновение твое пред Господем и надеющеся на любовь твою к роду
человеческому, дерзаем молити тя, прехвальне пророче: милостив буди
к нам, недостойным и непотребным, умоли великодаровитаго и
всещедраго Бога, да не до конца прогневается на ны и не погубит нас
со беззаконьми нашими, но да ниспослет на жаждущую и изсохшую землю
дождь обильный и мирный, да дарует ей плодоносие и благорастворение
воздуха; преклони действенным твоим ходатайством на милость Царя
Небеснаго, аще не ради нас грешных и скверных, но ради избранных
рабов Его, не преклонивших колена своя пред Ваалом мира сего, ради
незлобивых и несмысленных младенцев, ради безсловесных скотов и птиц
небесных, страждущих за наша беззакония и истаевающих от глада, зноя
и жажды.
Испроси нам твоими
благоприятными молитвами от Господа дух покаяния и сердечнаго
умиления, дух кротости и воздержания, дух любве и терпения, дух
страха Божия и благочестия, да тако, возвратившеся от стезей
нечестия на правый путь добродетели, ходим во свете заповедей Божиих
и достигнем обетованных нам благих, благоволением безначального Бога
Отца, человеколюбием Единороднаго Сына Его и благодатию Всесвятаго
Духа, ныне и присно, и во веки веков.
Аминь. |
|
31 августа
в
18.00
В Свято-Ильинском храме
молебен перед началом Нового учебного года
Для учащих и учащихся
По окончании освящение школьных
принадлежностей
***
Фотографии с престольного праздника
Нажмите на коллаж для просмотра
Святому
пророку Илии
Илия пророк пришел на Землю,
Что бы сказать ей, посмотри,
Такой тебя я не приемлю,
Ты руку на Небо простри.
Вглядись в глубины небосвода
По облаку скользни крылом,
И влейся в танец хоровода,
Единой троицы сынов.
Единого Живого Бога
Того, кто создал этот мир,
Кто сотворил тебя по Слогу,
И есть Единый Твой кумир.
Не окунайся взглядом в звезды,
Не поклоняйся тем, кто сам
Был создан Им, во сны и грезы
В свой личный и греховный срам.
Узри Творца в творенье века,
Через прекрасный лик Земли,
Через ручей и капли смеха
И слезы сладкие свои.
О, Илия, пророк от Бога,
Восшедший плотию Святой,
К Тому, кто есть тропа, дорога,
И встал на вечный там постой.
Тебя мы помним, чтим и любим,
К тебе молитвы шлем в ночи,
И сердце грешное ликуя,
Поет тебя узри, приди.
29.01.02 г. Елизавета – настоятельница
монастыря «Святой княгины
преподобномученицы Елисаветы»
http://clublady.narod.ru/poeziy.html |
|